Covid 19 mina pawl in an Thih hlan te ih Sungkhat unau an biak tanak iPad tamzet zuk cun mipi Lung a tham

New York, NYC Health + siizung ih hnaṭuan Ee Tay cun tukum a birthday ah zohman ih tuahdah kellomi thil ropi a tuah suak.

Siizung ih hnaṭuan a si vekin Covid 19 mina harsa thizik, sungkhat unau biaknakding phone khal neilo mualliam a hmu tam mi cun a lung a tham zet ih cuvek miharsa ṭanpi dingin cangvaihnak a nei.

Amah cun Facebook ih a rualpi pawl hnen ah a birthday present hrang ah ipad lole tablets an hman nawn lo mi pek dingin a dil hai.

Tablets pawl cu Siizung ih Covid 19 mina harsa, phone hmanding neilo, sungkhat unau biaknakding phone khal neilo pawl hrang ah a tawlrel mi a siih a tumtah mi tablets 150 hnak ih letli tam a dong.

Ee Tay

Ee Tay cun “phone khal neilo, kiltu khal neilo mina an tamzet ih ka hnaṭuanpi pawl in a caancaan ah covid 19 mina thizik pawl cu an mai` personal phone hmang in an sungkhat unau hnen ah netnak cibei an buuk sak ṭheu. Cuvek ka hmu cun ningna lungsia tuar theilo in ekinn ah reipi ka va ṭap ṭheu. Tu ahcun Facebook ka rualpi pawl hnen ah birthday present hrang ah ti`n mina pawl hmanding tablets ka dil mi cu a thar tamzet thawn device 650 rori ka dong” tiah huffpost media hnen ah a sim ih “mual an liam khalle an feh hlan te ah sungkhat unau thawn diriam zetin thlahnak annka an hlan aw man” a ti.

Mi Lung tham zetmi Ee Tay thuanthu tawi cu tukum April thla ih thilthleng a si nan Siizung ih ipad an retmi zuk cu online ah a darh ciamco sal ih a share sawngtu khal an tam zet a si.

Leave a Reply

Your email address will not be published. Required fields are marked *