Covid 19 Kham sii Suah Thok dingin US cozahpi Timlamnak Nei, A Ni Khal an Phuang?

US ramsung ah Covid 19 kham sii suah thok thlang dingin, cozahpi in timlamnak a nei rero tiah ramsung media pawl in an phuang.

Atlaibik November 1 tal ah suahtheih dingin le timlamnak nei cia dingin Centers for Disease Control and Prevention in US state harhdamzung pawl ah ca a kuat zo ih US rampi hrilaw ni hlan ih suah theih dingin thu a than.

Covid 19 khamsii cu voikhat suah ah tampi an suah thei hrih lo ding ti a si ih a hmaisabik an suah mi cu Covid 19 mina kilkhawitu, khawtlang mipi kilhimtu security, ṭuanlo theihlo cozah hnaṭuan tvk pawl dawt hmaisabik dingin CDC in state Harhdamzung pawl hnen ah forhfialnak a nei.

Asinan, CDC ih ca kuat mi ahcun November nikhat hlan ah a suak tengteng ding ti ih ngan telmi a um lo ih cuih ni tal ih suahtheih dingin timlamnak nei cia dingin thu a than mi a si.

Covid 19 kham sii suah ding thuhla ah mithiam pawl in hmuhdan a phunphun an rel suak ih “US rampi election hlan ah suahtheih tengteng dingin an tuah nawt ciamco ih thil ṭhalo zet a si” ti`h reltu khal an um ih “a tikcu a rei tuk zo ih clinical trail ṭheh hlan ih kan hmang thok lole mitamzet an thi phah thluh ding” titu khal an um.

Tu ah, Leitlun huap in Covid 19 mina 26.1 million an um zo ih cupawl lak ah mipum 17.3 million an damsaal ih mithi 864K an um zo a si.

ref:reddit,HTtimes

Leave a Reply

Your email address will not be published. Required fields are marked *