Covid 19 karhzai cuangnak Melbourne khawlipi cu Thla 1 le hrek sung Lockdown nei ding

Coronavirus nat nei aninii in an pung vivo ruangah mipum 5 million hnakihtam umnak Melbourne khawlipi cu thla 1 hrek sung lockdown nei dingin Australia cozah in a phuang a si.

Nikhat sung lawng ah Melbourne ih um mipum 191 in Covid – 19 nathrik an kaai ruangah khua dang pawl ah nathrik karhzaisin lonak dingin lockdown an nei tumnak a siih, tlaawngkai nithum zaanṭim ihsin lockdown thokṭanding a si.

Tui`, Melbourne khua lockdown ding hrang ah hmalaaknak nei cia in Victoria state ramri pawl cu tlaawngkai nihnih zaan ihsin an phit thok cia dingih palik le drone hmangin lutsuak umlo dingin duty nak an nei ding.

Khawtlaang harhdamnak zung cun virus karhzai cuangnak hmun ih um mipum 300,000 lenglo cu kan dung zerh ihsin an umnak kiangkap ih vaksuak lo dingin a kham cia hai ih mipum 3000 pawl khal an umnak inn ihsin suaklo dingin thu a suah cia nan, tuah, nathrik a karhzai vivo ruangah Melbourne khaw pumpin lockdown nei a tumnak a si.

Australia ram ah Covid 19 case 9000 hrawng a um zo ih mipum 106 hrawng an thi zo a si.

ref:Googlenews

Leave a Reply

Your email address will not be published. Required fields are marked *