Covid 19 Effect – Thla 4 sungah Minung 1 million in Kuakfawp bansan

Covid 19 boruak thok ihsin tuni tiang UK ramsung mipum 1 million hnak ihtam in kuatfawp an bansan tiah BBC cun a phuang.

Khawtlang harhdamnak hrang ah kuatfawp thawn pehpar mi zingzoinak neitu Action on Smoking and Health pawlkom le University College London zirnak neimi ih hmuhsuah mi cu BBC in a phuang mi a si.

Kuatfawp baangtu zaṭek 41% cu Covid 19 thawn pehpar ruangih bansan an siih “2007 ihsin 2020 kumthok karlak ih kuatfawp baang hnakin 2020 Covid 19 boruak lai ih kuatfawp bansantu an tam sawn” tiah University College London mithiam pawl cun an sim.

Guy’s and St Thomas’ hospitals le King’s College London ih researcher ṭuanvonei pakhat cun “zirnak kan nei mi ah kuatfawplo hnakin kuatfawp pawl in, zaṭek 14% tam in Covid 19 nathrik an kaai olsawn. Nathrikkaai ciocio khal ah kuatfawp pawl an besia cuang” tiah, UK rammi mipum 2.4 million lenglo pawl hnen ih zingzoinak an nei mi par ih hmuhsuahnak an nei mi a sim.”

UK ram ah kuakfawp 7 million hrawng an um ih, tuṭum, Covid 19 boruak hrawng ih kuakfawh bansan tamsawn cu 16-29 kum karlak upa pawl an si.

ref:IT,BBC

Leave a Reply

Your email address will not be published. Required fields are marked *