Covid 19 Daan pahbal ih Party tuahnak, Palik in an siim cu Minung 13 an thi phah

Covid 19 boruak ih thlun dingmi Daan pahbal in Birthday party an tuah ruangah palik in an siim ih thinphang in an tlanhlo thluh tum ruangah pah aw in an cil aw ciamco ih minung 13 an thi.

Zerhte zaan, Peru ram Thomas Restobar club ih thilthleng a siih minung 120 hrawng cu Lima Nightclub ah birthday party an hmang ih an thawmvang ringtuk ruangah le Covid 19 natnak a karh vivo ding an phang ruangah inn kiangkap pawl in palik hnen ah an report.

Peru rampi palik, Orlando Velasco in thuthang an dong veten Thomas Restobar club cu an va siim cih ih party tuah pawl cu thinphang in an tlan tum thluh ruangah karbak suk ah bah in an cilaw hai ih minung 13 an thi.

Hih thuhla thawn pehpar in Orlando Velasco Palik į¹­uanvo nei pakhat cun, “meithal, flashbang le tear gas tivek hmanrua zianghman kan hmang lo. Innpi dot 2 nakah party an tuah ih kan va siim tikah thinphang in an tlan tum.”

“Mipum 120 hrawng an si tikah hmanhmawh zetin an tlan tum cu an pahaw thluh ih karbak khal ah a ril an tam zet. Cunah, nazet in an cilaw ngah hai ih minung 13 thi in, hriamhma tuar khal an um” ti`n Los Olivos district Local media hnen ah a sim.

Peru ram ah Covid 19 karhzailo dingin March thla khan, nightclub le bar pawl an phitter thluh ih August ni 12 khalah mibur um tlanglo dingin cozahpi in thu a suah hlei ah zaan nazi 10 in curfew an nei. Cuvek Daan pawl pahbal in party an tuah ruangah palik in an siim mi a si. Daan pahbaltu nightclub neitu le party cangsuak dingih tawlreltu mipum 23 pawl khal an kai zo a si.

Tu ah, Peru ram ah Covid – 19 nat nei minung 576,000 hnakih tam an um zo ih, cupawl lak ihsin mipum 27,000 an thi zo tiah CNN cun a tarlang.

Leave a Reply

Your email address will not be published. Required fields are marked *