Covid 19 boruak ruangah Laawngpi 5 Ṭhiat Bal Tum

Colhhahdamnak ih hman tlangpi mi Laawng tum 5 cu Covid 19 boruak ah totu um lo thawn hnaṭuan an cawlh tertum tikcu kim hlan ah ṭhiatbal dingin Turkey ram ih Laawng thlanmual ah pan pi a si zo.

Company dang vek thotho in Laawng thawn khualtlawng suakso Cruise industry khalin covid 19 ruangah tlaksiat lam an pan ve ih ramṭhen khat ih Laawng khualtlawng kham a si bet tikah tu kum thok lawngah Carnival Cruise Line company in $4.4 billion lenglo an sung zo.

Lawwng thlanmual cu Turkey ram, Izmir thawn peng 30 hrawng hlatnak Aliaga ah a um ih mipum 2,500 hrawng hnaṭuannak hmunpi a si. A tlangpin Laawng tum pakhat thiatbal dingah thla 6 hrawng an rei ṭheu.

Covid 19 boruak hlan ahcu hih hmun cu thilri phur Laawng, khualtlawngnak pangai Laawng tvk ṭhiatnak hmun a si ih Laawng siat mi ihsin 700,000 tonnes steel phorhsuak a si ṭheu ih tu kum sung cu 1.1 million tonnes steel phorhsuak thei an tum.

“Cruise ship industry hrang ahcu tlaksiatnak a si nan kan nih hrang ahcu hnaṭuan nei ah kan cang ih thilṭha pakhat a si.”

“Tu ih ṭhiatbal dingmi Laawng cu US,UK le Italy ram lam ihsin ra mi an siih, tu ah, ṭhiatbal hna kan ṭuan thok zo” tiah Laawng thlanmual ih ṭuanvonei Onal in Reuters hnen ah sim ih “Laawng kan siat mi lak ih hman theih saal dingmi thilṭha pawl cu kiangkap hotel pawl in an ra lei ṭheu” a ti.

Hram:Reuters

Leave a Reply

Your email address will not be published. Required fields are marked *