CoronaVirus lakah humhimaw tumin Sui Hmurkhuh bun

Covid – 19 kaai ding ṭih ah khawsung ih vak khalle hmurkhuh bun a ṭul ringring ih India, Pune ih um Shankar Kurade cun danglam zetin sui thawn tuahmi hmurkhuh a bun.

Sui hmurkhuh cu 52,78,437.11 Myanmar Kyat hrawng cemin tuahtermi a siih soser pawl in ni 8 sung rori rei ih tuahsakmi a si.

60 grams hrawng ritmi sui hmurkhuh neitu Shankar Kurade cun “thawthawt nuam dingin ongkua fate zet kan vit a si. Himi hmurkhuh in Covid – 19 nathrik a kham maw khamlo ticu ka thei ve lo. Nan thlun dingmi daan pawl cu ka thlun thluh” tiin a sim.

Amah hi zunghruk, faute le ṭhi tvp uarzettu a siih “silver thawn tuahmi hmurkhuh buntu ka hmu ih, a mah thu ka cawng ve. Himi hmurkhuh bun in bazaar ka feh le mipi in, in zoh duh zet. zukawk ding khalin in sawm” tiin AFP news agency hnen ah a sim.

India cozah cun mipi lak tlangtu hmuahhmuah in hmurkhuh bun ṭheh ding tiin, Covid – 19 karhzai lonak dingin thu a suah ih leng ih suakvaktu hmuahhmuah cu hmurkhuh an bun ṭheh a si.

ref:AFP,IT

Leave a Reply

Your email address will not be published. Required fields are marked *

error: hahahahahaha !!