Coronavirus a rak um ngaingai si hi – Covid 19 puai tuahtu a thih hlan ṭongkam

Thuthang ih an phuang vekin Covid – 19 ṭih a nung maw, thungai teh a si maw tiih, Covid 19 nathrih kaaizuamawnak puai ih telvetu kum 30 mi pakhat cu Covid – 19 natnak in a thi thu, Texas medical official in an phuang.

“A thih zik te ah nurse pawl a zoh ih ‘ka ti sual riar, thuleng men ah ka ruat, nan, arak si ngaingai” tin a sim tiah siizung a umnak San Antonio, Methodist hospital medical officer Dr. Jane Appleby in a sim.

Amah cun “Covid party cu corona nathrik kaaitu inn ih tuah mi a siih thuleng men a si maw? an relvek a si ngaingai pei maw? ṭihnung in suanawk a ol pei maw tiin saannak ah an tuah” a si tiah a sim fiang.

Dr. Jane Appleby cun “ka sim mi hi mipi in kan hnaṭuan in thei seh tiduhsan ih simmi a si lo. Covid – 19 hi a um ngaingai. Ṭih a nung, suanawk khal a ol zia mipi in an thei thiam theinak dingah tahṭhimnak ih ka sim sawn mi a si” tiin a sim.

Tu ah, Covid party an tuahnak San Antonio khua ih coronavirus kaaitu mipum 18,000 an kim zo a si.

Leave a Reply

Your email address will not be published. Required fields are marked *