Na theih tengteng ṭul mi Thawng hra ca paisa Ngai le a Lem thei theih dan
Tufang hi Kawlram ah kyat Thawng hra Lem a tam zet tiah thuthang a suak ih, atakin an kai ngah mi khal hmuh ding a tam zet zo.
Mizaan khalah Kachin ram bazaar ih thil lei mino pakhat cu Thawng hra ca lem a hmangmi an kai ngah ih a kut sungah paisa lem ting 5 lenglo hmu bet in palik kut ah an ap.
Cuvek dinhmun kan si tikah paisa ngai le a lem kan thlei dang thiam a poimawh zetih, kum 2018 ih Central Bank rak suah dah mi paisa ngai theitheih dan kan tarlang ding.
Thawng hra ca ah a hlun, a thar ti`n phun dangdang a um ih a hlun sawn paisa ngai theitheih dan kan tarlang hmasa ding.
crd : Myanmar Now
1. Zuk ih tarlangmi vekin number an ngan nak le Central bank tiih kawl ca thawn an ngan nak na kut thawn na zut a si le a hrap ding.
2. Keh lam kiil ih a lai hrawng 45 degree in na tlu ter dingih ciang zetin na zoh le CBM timi cangan na hmu ding.
3. Keh lam ih a rang rong thawn hmun ruak a um mi kha tleu lam hoih in na zoh le pangpar zuk le 10000 tiih ngan mi a lang ding.
4. A lai hri ih “Myanmar spw” timi ca ngan cu ngan pangai le a linglet zawngin a hranhranten an ngan ding.
5. A lai hri tleu pangai ah na zoh le sendup pianrong le a hring cokpolh vekin a lang ding.
Neta lam suak Thawng hra ca thar thei theih dan
crd : Myanmar Now
1. Nikhuasia tuar thei dingin le tidai lut har dingin sii (Varnish) thuh mi a um.
2. Keh lam kiil ih a lai hrawng 45 degree in na tlu ter dingih ciang zetin na zoh le CBM timi cangan thlam na hmu ding.
3. Central Bank tiih kawl ca thawn ngan nak hmun ka kut thawn na zut le a hrap ding.
4. A tanglam tlartluan kha Microscope lole phone camera thawn tum terin na zoh le SECURITYPRITINGWORKS timi cangan na hmu ding.
5. Tanglam ih “10000” tiih an ngan mi a sir zawng in na zoh le a hring rong a tleu zukzo ding……
***Atlangpi cun paisa lem cu kut thawn kan tham tikah theih thiam a ol. Asinan, a suah tu zir in quality a bang aw lo.
