Christmas Eve cu Federal Holiday sidingin Pu Trump in Thu a suah
Tukum Christmas Eve (December 24) cu US ramsung federal holiday sidingin President Donald Trump in executive order hminkhennak a nei a si.
December 24 ni ah Federal Government zung pawl cu phit a si dingih cozah hnaṭuan pawl cun sunglawi zet le nuam zetin mah le innsang cio ah Christmas an hmuak thei ding a si.
Asinan, national security, defense le khuatlang mipi hrang ih thupi hleice departments hotu ṭhenkhat le agencies ṭhenkhat cu ṭuanlo theihlo dinhmun a si ruangah Christmas Eve ah mimal cu zung an kai thotho ding.
President Trump makes Christmas Eve a federal holiday https://t.co/pfpAuNmbvt pic.twitter.com/fb1hl8shtS
— New York Post (@nypost) December 11, 2020
Tlawngkai ninga le Christmas ni a dengaw cun kum dang khalah Christmas Eve cu zungphit ṭheu a rak si. President Clinton le President Barack Obama san khal ah Tlawngkai ninga le Christmas ni a dengaw cun zungphit dingin thusuahnak an rak nei ṭheu. Asinan, Christmas Eve nihrek lawng zungphitter a rak siih, Pu Trump cun ni pumhlum rorin phit lawlaw dingin tukum hrang thusuahnak a nei a si.
US ramsung federal holiday hi kum khat ah ni 10 lawng a um nan rampi President in zunghnaṭuan pawl cawh peknak executive order a suah thei.
Kum 2018 le 2019 khal ah Pu Trump in nipumhlum federal holiday si ding in thusuahnak a rak nei dah a si.
