Chinmi tawlrelnak thawngin Thuzar Wint Lwin in US ram ih beusiannak a ngah

Myanmar aiawh in 2021, Miss Universe zuamnak ih teltu Thuzar Wint Lwin cu Indianapolis Chin community tawlrelnak thawngin US ram ah beusiannak a ngah tiah Yahoo thuthang in a tarlang.

Amah hi Maymar ram a um lai ihsin ralkap ukhruainak dozettu si in a relaw ih Miss Universe Best National Costume zuamawk ṭum khalah “Pray For Myamar” timi catar kengin Kawlram buainak a pholang.

Cuih tlun ah Myanmar kumpi cozah thuneihnak latu SAC ralhraang soiselnak video a thlah ih, cuih thuthawn pehpar in SAC ralhraang in kaih theihnak warrant an suah tiah thuthang a suak.

Cuvek ruangah le thil phunphun ruangah Kawlram tlung theilo/ngamlo in US ram ah caan tawkmawi a hmang hnu ah tuvekin Chinmi bawmnak thawngin US ram beusiannak a ngah hi a si.

Miss Universe zuamnak ah top 10 hman a thleng ban lo nan thuam mawi zuamawknak ih pakhatnak a ngah hlei ah Miss Universe lukhum cotu Mexico nu hnakin a thuhla ngaihventu a nei tamsawn tiah The Telegraph in a tarlang dah a si.

Leave a Reply

Your email address will not be published. Required fields are marked *