China – Tilik deemdeuh dingin Chuhe tipi DAM boom thawn an ṭhiatbal

Ruah catbang loih ceennak ruangah China ram hmun tamzet ah ti a lik ih, Anhui provine ih tilik deemdeuh dingin central China cozah in Chu tipi ih tiikhamnak Dam cu a ṭhiatbal.

Tilik mi 70cm (2ft) hrawng a ṭumsuk/kaang deuhding beisei in Chuhe tipi ih Dam cu boom hmangin zarhpi ni ah an ṭhiatbal tiah CCTV media cun a tarlang.

NASA scientist in tidai khawl mi tamtuk ruangih Leilungpi herawkdan 0.06 microseconds in a ti muang a timi Three Gorges Dam ih tidai khal, pangai hnakin 15 metres tam in tidai a khat ruangah kan dung zarh sungah tidai an hlawn zo.

Yangtze tipi control nak ih an hmang mi Three Gorges Dam

China ram ah kum tin deuhthaw in ruahceennak ruangah ti a lik ṭheu nan tukum ih ruah ceendan cu kum dang hnakin a besia ruangah tuvekin buainak an tong mi a si.

July 13 ih an update mivek a si le China tilik ruangah ramsung (27 provinces) minung 37.89 million in harsatnak an tong ih, inn 28,000 ciim in mithi le mihlo 141 an um zo a si.

ref:CCTV,Wiki

Leave a Reply

Your email address will not be published. Required fields are marked *