China ram ihsin lut mi Thlacii hmin kan thei suak – USDA

US ramsung hmuntin ih kuat mi, China address nganaw, a hmin an theilo mi thlaicii ṭhenkhat pawl cu US Department of Agriculture in zoh ciangnak an nei hnu ah, phun ci 14 sinakdik kan thei suak zo tiah an phuang a si.

Hih thlaicii pawl cu US ramsung State 50 pawl ah China address nganaw in an kuat mi a siih a kuattu khal theih a si lo. Curuangah US leiram siatsuah ding phang ruangah le thlaihnah siatsuah pang ding phang in zo hman in tuh lo dingin USDA in mipi a rak sim thei dah zo.

Cuhleiah thlaicii a dawngtu pawl cun cozah ṭuanvo neitu pawl hnen ah sim than lohli dingin thu an rak than dah ih, tu ah, cuih thlaicii phun tamzet lak ihsin phun ci 14 ih hmin pawl cu USDA in an phuang a si.

“Zingzoinak kan nei ih kan hmusuah mi ah anṭam, kawpi, puṭinan, rosemary, lavender le pangpar cii dangdang pawl an tel” tiah Animal and Plant Health Inspection Service ṭuanvonei Osama El-Lissy in a sim.

Thlaicii kuat mi pawl cu online scam phunkhat si ding khalin an zum ih “ziangruangah US ramsung ih an kuat duh nak san ti cu kan thei ciang hrih lo, Nan, ka zum mi pakhat cu thalcii kuattu pawl in an company hmin thangsin duh in le lar sin duh ruangah an tuah mi si ding kan zum” ti`n Osama El-Lissy cun a sim bet.

Himi thlaicii pawl cu US ram state 50 ih mipi tamzet mailbox ah a thleng ih a par ah China ram address a nganaw. Canada, UK, Vietnam ram lam khal ah a thleng ih mipi thinlung a buai terzet.

Tu ah, US ramsung ih a thleng mi thlaicii phun tamzet lakah phun ci 14 pawl ih hmin, theisuak a si zo nan a dongtu pawl hnen ah ui co, rannung, nauhak tivek ih tham ban ah retlo dingin le tuh lo ding in USDA cun mipi hnen ah thu a than a si.

ref:USDA

Also Read : Himivek na hmu veten Cozah hnen ah Report lohli Aw

Leave a Reply

Your email address will not be published. Required fields are marked *