China ngakaai Laawng Vuur ret nakah Mithi ruak an sar

China ngakaai laawng vuur retnak sungah miruak pakhat an hmu thu Indonesia palik pawl in an phuang.

Hmin phuang duhlotu mi pakhat in an umnak lam ih laawmg feh mi sungah mithi ruak a um tin palik pawl hnen ih report peknak a um zarah palik pawl in laawng pahnih an kham ih cuih lawng sung vuur retnak ah mithi ruak an hmu a si.

Mithi cu kum 20 vuakvel mi tlangval a siih Indonesia mi a si. Ataksa umdan ahcun nasa zetin hrem hnu ah vuur umnak sungih retmi a bang tiin palik cun an ti.

Palik ṭuanvonei pakhat cun,”mi pakhat ih thuthang in pekmi vekin kan rak bawh ih laawng pahnih kan kham. Laawng pakhat sawn ih vuur retnak Lu Huang Yuan Yu 117 sungah vuak le hremnak hmapee khat ṭheh mi mithiruak cu kan hmu.

Indonesia mi a siih kum 20 vuakvel hrawng a si ding. Ataksa umdan ahcun June thlacem lam hrawng ihsin vuur bawm sungih retmi a bang” tiin a sim.

Tuah, laawng parih hnaṭuantu China, Indonesia le Phillippine ram mi pawl cu palik pawl in thusutnak an nei rero lai a si.

Asia ngakai laawng tamzet ah hremawknak, sal bang ih sawrawknak a um ṭheu ih thatawnak tiang a suak ṭheu. Tiisung ih an hlawn mi mithi ruak khal, nitinten sar ding a um ringring.

June thla khalah China ngakaai laawng ah sal vekih hman mi Indonesia mibur an tlansuak ih ngakaai pawl in an bawm. An simvek asile hna an ṭuannak ah paisa khal an ngah lo. Ei le in ding khal ṭhitha in an pek lo bet hlei ah an damlo a si le hrem an tuar sinsin ih an thi tikah hnawmhne men bangin tiisung ah an hlawn a si.

ref:CNN

Leave a Reply

Your email address will not be published. Required fields are marked *

error: hahahahahaha !!