China in Face Mask hmangin US mipi tibuai lala, Cozah in simfiahnak nei

Kan dung thla ah US ramsung hmun tamzet ah China address ngan aw mi thilcii phunphun an dong ih, tu ahcun hmuh ding a um tuk lem nawnlo an ti lai fang ah address ngan famkim lomi hmaikhuh (mask) an dong thok lala.

Hmaikhuh dongtu pawl cun an cah lomi thilri, an address ah a thleng ruangah an mang a bang zet.

Cuih hmaikhuh bawm ahcun a dongtui` personal information (hmin, phone number tvp) a nganaw ṭhepṭhep nan kuatkirsaal nakding address a nganaw famkimlo ruangah a dongtu pawl an buai zet.

Hmaikhuh dong vetu Florida ih um, mi pakhat cun, “ka hmu veten ka zoh hliah ih ka inn address le personal information pawl khal a nganaw ṭhepṭhep. Ka ong ngam fawn si lo. Inn ah ret ding le ka duh lo. China, Shanghai ti lawng in an ngan ih kuatkirsaal nakding address le an ngan lo ih a buai thlak tuk” ti`n local news station WFLA hnen ah a sim.

Kan dung thla lam ihsin China address nganawmi parcel dongtu an tam zo ruangah US cozah lamin zingzoinak an rak nei zo ih, Cuih zingzoi nakih hmuhsuahmi ahcun “brushing scam” bumawknak phunkhat a si ti`n an ngan.

Zingzoinak ih telvetu Better Businees Bureau ṭuanvonei pakhat cun “ramdang Company pawl ih mi bum nak phunkhat a si. hivek ih an hman bik cu a zaang mi le man ol dueh mi pingpong, zunghruk, ṭhi, thlaicii, hmaikhuh tvp an hmang.”

“A tlangpin cu online (FB, Twitter, Insta, Amazon profile tvp) ih an hawl hmu mi address pawl ah an kuat ṭheu. An duh san bik cu company hmin khaisang duh ruang bik ah a si. An lo kuat hnu ah nan mah ngan mi vekin company product ṭhat zia review an ngan ih, an ngan mi cu nan hmin le address lang terin an company quality khaisang nakah an hmang.” a ti.

Himi thu ah, Federal Trade Commission khal in thuthannak a nei ih “China address ngan aw mi, na cah lo mi parcel na dong pang cun online dawrawknak ih na hmang mi account password hmuahhmuah thleng danglam thluh aw” ti`n mipi hnen ah ralring dingin a sim a si.

ref:Fox46,reddit

Leave a Reply

Your email address will not be published. Required fields are marked *