China cun Nepal ramsung ah a thupten Khua A Toh

China ram hi a thup le thli in thil tuah thup an hmang ti cu kan thei cio dingih, an ram kilkip ih um a innhnen ramri nawr khal a hmang zet.

Tubaite khal ah ramri thu ah India ram thawn nasazet in an buai ih ramri kiltu ralkap an thawiawk ih mithi khal an um.

Tukhalah, Nepal ram, Humla district ah a thupten Khua fate an toh hlei ah, cuih hmun ah Nepal ram mi lut an siang lo.

Khua an toh mi cu cuih hmun kiang ih local village council president Vishnu Bahadur Lama in ramri haalnak a nei lai ah a hmusuak mi a siih thusut dingin a va feh nan an rak biak ṭhaduhlo hlei ah kir lohli dingin an fial.

Vishnu Bahadur Lama cun “Nepal cozah simthei loin China ralkap pawl in Lapcha village ramkulh ah km 2 ramri nawr in Khua fate an toh. Innpi 9 an sak ṭheh zo ih a kiangkap feh khal an siang lo.”

“Thusut dingin ka va feh ih ṭhiṭha in, in sawn lo hlei ah zamrangten kir sal aw in ti. Phone camera thawn ka zuk ta ih, thuhla theiciang dingin Humla district chief Chiranjeev Giri hnen ah zuk pawl thawn kuat cih in ka sut nan, a nih khal in a thei ve lo.” a ti.

China hin a inn hnen ram a si mi Taiwan, India, Vietnam le Malaysia ramri pawl khal a rak nor dah ih ramri thu ah Australia thawn nasaten an rak buai dah tiah Nepal Post cun a ngan.

Leave a Reply

Your email address will not be published. Required fields are marked *