China : Covid 19 nat karh zailo dingin Tawkua swabs test nak an nei

China cun a ramsung Covid 19 nat karhzailo dingin nasaten hmalaaknak a nei ih rinhleh luar mina cu Tawkua swabs test nak a nei.

Covid 19 nathrik cu thawthawtnak lamziin/Hrok hnakin kan pumpi, rawl rialnak, kan ril tvk ah a um rei theisawn ruangah tuvekin Tawkua swabs testnak an nei mi a si.

China hi Leitlun huap Covid 19 nathrik do neh hmasalam an sinan, tu ah, a thar in Covid 19 nathrik pianhmang thlengawmi an ram sung ah an hmusuak lala. Ramdang ihsin an ram ih lut mi siding an zum ih nat karhzailo dingin cozah lam in nasaten hmalaknak an nei rero.

Daxing district ih um kum 9 pate in Covid 19 nat a nei ruangah ramkulh sung ih um tlawngta le saya/ma 1000 luan cu Tawkua swabs test nak an nei.

National Health Commission guidelines ih suah mi vek a si le Tawkua swabs test an nei le patpar hluummi fungte cu Tawkua/rilpi ban tiang ko in 5 centimeters (2 inches) hrawng an sawh lut ti a si.

Tawkua swab test tuartu kum 21 mi Alex Wang cun “a thok ahcun ka ningzak deuh. Asinan, kan ram ah nat a karh ding an phang ruangah nasaten hmalaknak an nei ti ka theithiam ruangah ka Taw ka tun huahhihai men.”

“Nurse pahnih in na kut khatlam in tohkham kai awla khatlam in na taw pheen aw in ti. A rei cu a rei vak lo. Nan, an vun sawh ih an dir sal taktak cu santen lai ih Tawkua na vek rorin a na” a ti.

Tawkua swabs test hi a na lo titu khal an um nan a na tuk rori ti`n a nat dan Weibo social media ih pholangtu khal an um.

A nat dan an post mi ah comment tu an tam zet ih mipakhat cun “Nasal test hman a natuk ka ti sikhawh Tawkua sawh tuar cu a ruat khal ka ruat ngam lo” a ti. Mipakhat khalin “ka phanbikmi cu ka Tawkua in sawh lai ah ka voih pang ding ka phang” a ti.

Leave a Reply

Your email address will not be published. Required fields are marked *