Chin refugee tamzet umnak Vikaspuri, ND ah Covid -19 karhzai vivo

Covid – 19 thawn pehpar in Delhi thuneitu pawl in khawsung hmun 86 pawl ah Covid -19 natnak a karhzaizo thu a phuang ih cuih hmun pawl lak ihsin Chin refugee tamzet umnak Vikaspuri veng sung ih hmun 3 pawl khal a telve.

Cuih hmun cu Deep Enclave Part- II, DG3 Block le F Block pawl an si ih F Block ihsin minung 8, DG3 Block ihsin 7, Deep Enclave Part- II ihsin 4 pawl in Covid – 19 nathrik an kai.

Hih thuthang a suak veten palik pawl in nathrik kai pawl ih umnak veng luh-suahnak pawl cu an phit ṭheh ih ziangvek pawimawh a um khalle zohman luh-suah an sianglo thu an phuang.

Nitin hmanṭul thiri, ei-in lei ding khal ah lengsuak a theih lo ih a ṭul a si le tlunlam thuneitu pawl in a mamawh tui` inn rori ah feh in an va pek ding.

Covid - 19 report
Covid 19 report

Delhi cozahpi cun nathrik kai thar umnak hmun pawl cu nathrik an hmusuak ni ihsin ni 28 sung an kharhkhum ṭheu ih Chin refugee tamzet umnak Vikaspuri veng sung khal cu ni 28 sung lut-suak siang loin an phit ding zum a um.

Delhi um Chin refugee tamsawn cu miharsa kan siih hnam thleidan tamzetnak, Vai ram ih um kan si vekin Vai pawlin inzohdaan a danglam cia zet ih, hivek nat hrik kai kan um bet pang cun huasin kan tuar ding a phan um tuk rori ih zumtu pawl ih thlacam baklo cu rinsanding kan neilo. Tlacam ah in mang ringring hram dingin zangfah kan lo dil a si.

(ref : TOI)

Leave a Reply

Your email address will not be published. Required fields are marked *