Chennai Airport ah 143 million kyat man Sui phek 10 an Kai + VIDEO

Dubai in India ram ih tlungtu mipakhat hnen ihsin Chennai Air Customs in Rs 78.4 lakh man, 1.45 kg rit sui hnah an kai.

A phurtu Rajan Chaudhary cu Dubai ih hnaṭuan a siih Chennai airport a thleng hnu ah a phur mi caphok kuang lak dingin a feh lai ah vanzam tualrawn palik pawl in an kai.

A phur mi Caphok kuang a rit tuk ruangah Chennai Air Customs in ringhlel in a sung an zoh sak. A sung ahcun itphahkhuh le nauhak cawngte puahnak thilri pawl a um ih a sung an vun phelh vivo cu, cahnah vekin duhduh ih bil thei mi sui phek pawl an hmu.

Chennai Air Customs ṭuanvo nei pakhat cun, “a thil phur mi caphok bawm a rit tuk ruangah kan zoh sak mi a siih, sui phek pawl cu scanner ih lang theilo dingin carbon cahnah thawn a tuam thluh hlei ah itphah khuh le nauhak thilri pawl lak ah a thup.” a ti.

Sui an kai mi cu phek 10 a siih 1.45 kg hrawng a rit.

“Rs 78.4 lakh man hrawng a si. Hivek, daan lo ih thil phur ṭheu pawl cu an phurh/thup dan an thleng ringring nan kan thei thotho. Olaiten in bum thei lo ding. Curuangah thawngtlak na duhlo a si ah cun Daan lo in thil phur hlah” tiah Chennai Air Customs ṭuanvo nei pakhat IT media hnen ah a sim.

Leave a Reply

Your email address will not be published. Required fields are marked *