Champhai ramṭhen ah Pathian hnaṭuan siding zumummi ih Ruhro an sar

Kum 2020, December 9 ah Mizoram, Champhai District, North Vanlaiphai khua thawn km 4 hrawng hlatnak hmun ah Mithi ruhro an hmusuak thu theih a si.

Ruhro cu 20m hrawng hlatawk in a rak darh ih rannung/vate ih darh mi siding zum a um tiah a hmutu pawl cun an sim.

Hmuhsuakmi cu Luruh, Elruh, Ngalruh le Kawngruh pawl an si tiah a hmutu pawl cun thuthannak an nei ih bag le vaidip khal Ruhro kiangah a rak um ti a si.

Bag le vaidip sung ahcun English Bible, Hindi Bible, Dairy, Thaithih, Ungsii bur 2, Naamte, Kawr, Puan, Baptisma Certificate, Meitalh 2, Blade le thil neuhneuh dang pawl an hmusuak a si.

Zoi ruh a si, ziangtikin a um thok, mahte thi maw mikut ih thi tvk zianghman theihcian a si lo ih Baptisma conak Certificate ahcun tipilnak cu Lungpuizawl Baptist kohhran ti`n a nganaw. A hmin cu “Mahan Gange” ti`n a nganaw ih Tipil petu cu Rev. Lalzarzova ti`n a nganaw a si.

Ruhro thuthawn pehparmi cu Champhai Special Report ah an tarlang ih a thuhla zingzoinak nei ciang dingin mipi lam in beiseinak an nei a si.

Leave a Reply

Your email address will not be published. Required fields are marked *