Caronavirus update a zoh nakin kum 30 sung a mangsuak thei lomi a nu le a suahnak khua mang suak sal

Hnaṭuan nakah lu khawngaw ruangih thluak siat Zhu Jiaming cu kum 30 sung rori hlan thu theih hngilh bepbep mumal nei loin a um hnuah TV ih coronaviru update a zoh nakin a sauhnak khua a mang suaksal.

Kum 27 a si ah a suahnak khua Chishui, southwest China tanta in Fujian Province, southeast China lam ah hnaṭuan a hawl ih cutin a hnaṭuannak ah natukin a khawngaw ih a hliam awknak ruangah a suahnak khau, a sungkhat unau zo an si ti khal thei nawn loin a um.

Inn nei lo, zo a si tikhal theiawlo ih a um laiah Zhejiang Province ih Mr. Tan te nupa in an zang fah ih an inn ah an um ter. An hnen ah hlan thu hngilh bepbep in Kum 30 sung a um.

Tu kum thok lam ah Caronavirus update a zoh ih TV sung ih a lang mi an khua a hmuh le veten a suahnak khua le a sungkhat cu a mang suaksal.

A nu (kum 85) in Video call ih a biak hmaisabik ah mitthli hal phah in “ziangtik hman ah ka lo hmu nawn lo ding tin` ka ruat nan”

Palik hnen ah bawmnak a dil ih palik pawl cun an umnak thawn 1,400 kilometers hlatnak Chishui, southwest China’s Guizhou Province ah a sungkhat unau pawl cu an va hmusuak. A nu cu a rak dam lai ih a pa cu tuhlan kum 18 ah a thi zo.

Tu ahcun a suahnak khua tlun thei ding ni le tikcucaan a hngak rero a si.

ref : metro

Leave a Reply

Your email address will not be published. Required fields are marked *