Canada : Halloween puai ah Naamtong thawn sat that awk nak rapthlak a suak

Canada: Quebec khua ih Halloween puai ah Naamtong thawn thatvaatawknak a suak ih minung 2 thi in mi 5 in hlimhma an tuar.

Mithattu cu Middle Ages san lai ih sinfen vek thuamhnaw sau a hruk ti`n a hmutu pawl in an sim ih mithattu siding zum um mi, kum 24 mi mipa pakhat cu palik in an kai.

October 31, zaan nazi 10:30 hrawngah Quebec palik in phone call an dong ih mithattu siding zum um mi cu nazi 2 le khuai sung an hawl hnu, zarhpi zinglam nazi 1 hrawng ah palik in an kai ngah tiah Radio-Canada in an phuang.

​Quebec, ​Police Chief Robert Pigeon in “Japan naamtong Katana vek deuh a hmang. Terrorist cangvaihnak thawn pehtlaihnak a nei lo. Asinan kan zingzoi ih hmuhsuah mi ahcun timlamnak nei cia in a cangvai mi si in kan hmu” a ti.

Mithattu hi Montreal lam mi si in an sim ih a hmin cu an phuang lo. Sual tuah ruangih kaihkhih tuar dah mi khal a si lo nan tuhlan kum 5 hrawng ah tui` buainak vek suak ter a duh thu a rak rel dah ti`n CBS media in a ngan.

Tuah, palik kut sungah a um ih thusut in zingzoinak an nei rero lai a si.

Leave a Reply

Your email address will not be published. Required fields are marked *

error: hahahahahaha !!