California ah Kangmei suak, Tutiang an Phal thei hrihlo (+VIDEO)

Inn 2400 kangral thei ding khawp ih tihnung mi ram mei kangnak cu tlawngkai ninga, Los Angeles nisuahnak lam ah a suak ih diesel hmang mi motor ruangih a suak mi kangmei siding an zum thu, meithat ṭuanvo neitu pawl in tlawngkai nikhat ah an phuang.

Los Angeles ihsin nisuah naklam, peng 70 hrawng hlatnak Cherry Valley ihsin a kang thok ih zingzoinak an nei mi ah, diesel hmang mi motor ihsin a suak mi carbon ihsin a suak thok ding an zum.

Meisa cu hram ro le thingatmi in a luar lohli ter ih 41 sq miles (about 80 sq km) kau a kang. Ṭuanvo neitu pawl in kangmei suak tertu siding an zum mi motor khal an hawl phah rero.

Kangmei ruangih thi le hlo an um lo ih inn 1 le lenglam inn 2 a kang. Inn 2400 kangral thei ding khawp ih tihnung a si ruangah kangmei suaknak kiangkap ih um mipum 8000 lenglo cu Inn le Lo suahsan dingin meithat pawl in an fial.

Meithat pawl in lei lam le van lam khal in mei phal an tum rero ih tlawngkai nikhat ziang tiangah zaṭek 5% lawng an phal thei.

Tukum , Ṭhal mei kaang ih besia bik a siih meithat ṭuanvo neitu pawl in cangthei tawkin an phal tum rero a si.

ref:IT,YT

Leave a Reply

Your email address will not be published. Required fields are marked *