Bus hngak lai, mi pakhat cu Zinghman rual umnak feet 12 thuk ah a tla tupti

New York khawpi sung, ziinkap Bus cawlhhmun ihsin Bus hngak rerotu Leonard Shoulders (kum 33) cu a pal nak pavement a ong puppi ih feet 12 hrawng ih thuk Lihawng ah a vung tla.

Lamziin hnuai ih tisia luang nak khur a si vek in Zinghnam tum pipi an tam zet ih, Zinghnam pawl a Ka sung ih lut ding a phan ruangah bawm dil in a au ngam lo.

“A taksa par ah Zinghnam rual an vak ciamco. A cang thei fawn lo. Bawm dil in au a tum nan a Ka sung ah zinghnam lut ding a phang ruangah a au ngam lo” ti`n Shoulders uu, Greg White in NBC News hnen ah a sim.

Mr Shoulders cu feet 12 hnak ih thuk ah a vung tlak ih a Ke le a Ban a kiak.

Mr. White cun, “Bus a hngak ih motor ra le ra lo a bih tum ciah ah a pal nak pavement a ong puppi ih a Ke lam a tla hmaisa. Kiangkap um pawl in an cuh man hlan ah a vung tla lan ih a Ban le Ke a kiak” a ti.

Nazi khuai hnu hrawng lawng ah a run suak tu ding emergency service hnaŠĻ≠uan pawl an va thleng thei ih an run suak hnu ah St Barnabas Hospital lam tuamhlawm dingin an pan pi.

Leonard Shoulders cu a dam cak vivo nan a thuthang cun Newyorker pawl lung a tho ter ih Cozahpi in an khuasung mipi tlanlennak hmun rawp le zinghnam rualrual ih vakvai rero mi pawl, hmalaknak a nei duh lo mi a lang sinsin ti`n New York mipi cun cozah sawisel in an au a si.

Leave a Reply

Your email address will not be published. Required fields are marked *