Brazil politician pahnih huatawknak cu thazaang hmangin rem an rel mei

Brazil ram, Borba khawbawi Simao Peixoto (Mayor) le khonsil sungtelhlun Erineu Alves Da Silva (councillor) huatawknak cu thazaang hmangin sualawknak thirkulh sungah rem an rel mei a si.

Brazil hrambun media ṭhenkhat ih tarlang mivek a si le kum 45 mi Erineu Alves Da Silva hin Borba khawbawi Simao Peixoto (kum 39) a ngair hmasa ti a si.

Madeira tipikap ih “waterpark” kilkhawi theilotu, mi hrokhrol ti`n Silva cun khawbawi cu a ṭongsan ih an pahnih in thla 1 lenglo an ngair aw.

Online khalin siseh, local thuthang ca khalah ṭongsanawknak an suahter ṭheu ti a si ih khonsil sungtelhlun Erineu Alves Da Silva in kuttum hmangin thu kan ti felfai ding ti`n khawbawipa cu a ngair.

Khawbawi Simao Peixoto khalin ngairnak a cohlang thu, a Facebook cahmai ah a tarlang ih “Lamziinpar ih sualawkhmang ka si lo. Cozah hnaṭuan Borba khawbawi ka si. Sualawk na duh ngaingai cun kan man ringring. Nehnak co ringringtu ka si” tiah khawbawipa cun ngairnak a cohlang ih “sualawkdan pangaiten thirkulh sungah kan sualaw ding” a ti.

An pahnih lungkimnak thawn round 3 an sualaw ih a neet nakah khawbawi in nehnak a co a si.

Leave a Reply

Your email address will not be published. Required fields are marked *