Bollywood actor Salman Khan That Tum Tu An Kai

Mithat case thawn an kai mi Rahul (kum 27) cun tuhlan ih mi a rak that dah mi, that tum mi le sualnak a tuah mi pawl a phuang ṭheh ih, Bollywood actor Salman Khan khal a that tum mi lakah a tel ve tiah Faridabad palik in an sim.

Rahul cu Punjab, Haryana le Rajasthan ih tlangleng, Lawrence Bishnoi gang member a siih June 24 ah mi pakhat a kap that ruangah August 15 ah palik in an kai. Cutin palik kut sungah a um ih an hremnak a tuar thei nawnlo ruangah sual a rak tuahdah mi pawl a phuangaw thluh.

Faridabad Deputy Commissioner of Police Rajesh Duggal cun, “June 24 ah mi pakhat a kap that ruangah August 15 ah kan kai. Thusutnak kan nei nakah tuhlan ih thilsual a tuah mi a phuangaw thluh. Misual maktara a si. Tukum sung lawng ah minung 4 a that zo ih kum tir lam khal ah Bollywood actor Salman Khan a that tum” a ti.

“An gang hotu Lawrence Bishnoi fial mi vekin tu kum thok lamah Salman Khan that tum in a umnak Galaxy Apartments, Bandra, Mumbai a va hal. A inn umdaan, veng kiangkap umdan thlingthla phah in zaan hnih a va riak. Nan, Coronavirus ruangah a remcang saal lo ih an tumtah mi an tuahsuak thei lo” tiah Deputy Commissioner of Police Rajesh Duggal cun media hnen ah asim.

Rahul thuhla cu, tu ah, zingzoinak an nei peh vivo dingih ziang ruang bikah Salman Khan a that tum timi khal thei leh ding kan beisei ti`n Rajesh Duggal cun a sim.

ref:TDW,IT

Leave a Reply

Your email address will not be published. Required fields are marked *