Bolivia ram cozah in Ni 5 sungah Miruak 420 phorhsuak

Bolivia : Special police unit in Bolivia ramsung, khua pahnih ihsin ninga sungah mithiruak 420 an phorhsuak ih mithi lakih zaṭek 80-90% cu Covid 19 ruangih thi mi siding an zum.

Hih miruak pawl cu Bolivia khawpi La Paz le Santa Cruz khuasung lamziin, motor sung, le inn pawl ihsin phorhsuak an si tiah Bolivia special crime-fighting force director Col. Ivan Rojas in a sim.

Bolivia ram hmun tamzet ah Covid 19 a karhzai vivo ih Bolivia’s Institute of Forensic Investigations hmuhsuah mivek a si le 2020, April 1 ihsin mizaan tiangah, Covid 19 ruangih thi siding zumummi miruak 3016 an phorhsuak zo.

Covid 19 nathrik karhzai caktuk ruangah September thla ih rampi hrilawnak nei tum mi khal a ni ṭhawn dingin Bolivia scientists mithiam pawl in cozah hnen ah an dil.

Tu ah, Bolivia ram ah Covid 19 official case 60991 a um zo ih, cupawl lak ihsin milai 2218 an thi a si.

ref:aljazeera

Leave a Reply

Your email address will not be published. Required fields are marked *