Biakinn Thinglamtah siatsuah lai Video cun mipi Ning a Nat ter

England, Romford, Chadwell Heath Baptist Church ih Thinglamtah cu mipakhat in a ti siat ih a cangvaih lai cu Video an rak zuk.

Thing Cross tawhram ihsin a phawt tum lai video cu online ah an thlah ih biaknak lam hmuhsuamawknak a si ti`n mipi an au ih ka ninghang titu khal an tam zet.

A hmun ih zoh ve tu mipakhat cun “mibur um mi ka hmu ih ka va zoh cu mipakhat in Chadwell Heath Baptist Church Thing Cross pathum lak ih a lai ta phong siatsuah tum in a hnin ciam co.”

“A ti tluk hnu ah leitang ah a thlak ih ziinpi ah a hnuk vivo. Abang tuk siding, ziinpi ih a cawlh lai ah palik in an kai” tiah CTS hnen ah a sim.

Zo a si, ziang duhsan in a tuah tvk cu theih cian a si lo ih Barking and Dagenham Police cun, “Biakinn hmunram sung ih thil siatsuah tum lai video online ih a lar mi kan hmu.”

“Amah khal kan kai zo ih zingzoinak kan nei rero lai. Thil siatsuah lai a hmutu nan um le 101 ah rak call uh” ti`n Twitter ah an ngan.

CTS media in Biakinn lam pehtlaihnak an nei ih ziangtin hmalak nan tum ti`h an suat tikah, “Ziang ti ih titlak khal a si lo. Kan mah ten kan rem leh mei ding” tiah Biakinn lam į¹­uanvo neitu in a let sal ih Thinglamtah cu a tung danding an ngaihtuah cih a si.

Leave a Reply

Your email address will not be published. Required fields are marked *