Baptisma nei lai Zarh 6 mi Naute cu Ti haak in a thi

Romania: Catholic biakinn ih baptisma an pek mi naute zarh 6 mi cu tisung voithum an hnim hnu ah a nunnak a cem tiah ramsung media antena3 in a tarlang.

“January 31, zarhpini ah Suceava khua catholic biakinn ah naute zarhthum mi cu tihnimnak an nei. Kohhran upa in ti sung ah voithum a hnim hnu ah thawsam in a buai.”

“Thizik in a um lawk ih harhdamnak lam hnaṭuan pawl in a thaw an thawt ter thei sal. Siizung ah an tlanpi lohli nan nazi rei lo te ah a nunnak a cem” tiah Antena 3 in a tarlang.

Kohhran upa ṭuanvonei Vasile Bănescu cun “Riahsiatza rori a si ih thil umdan ṭhaten zingzoinak nei a ṭul. Naute cu a hnar, ka le hna phit in tidai ah hnim ding a si. Cucu a tuah ṭhang pawl ih tidan ṭheu a si” a ti.

Hih thuthawn pehpar in baptisma pek dan thleng ding ih online ih hminkhennak neitu minung 60,000 hrawng an um zo ih tawlrel haihottu Vladimir Dumitru cun “baptisma tuah nawn lo ding tinak a si lo. Atui baptisma kan pekawkdan cu damlonak nei naute tivek hrang ah a ṭihnungtuk rori.”

“Tidai sungih phimaw kherkher siloin naule Lu ah tidai tla theh seh la timi duhhlannak kan nei mi a si. Cun tu ih kan dilmi hi Romania ram ih Orthodox Church hmuahhmuah le ramleng thleng pawl tiang khalin in ṭawmpithei kan beisei a si” a ti.

Naute thi thu thawn pehpar in palik in zingzoinak an nei ih tualthatnak zawngin an fehpi khal a si thei tiah Antena 3 in a tarlang a si.

Leave a Reply

Your email address will not be published. Required fields are marked *