Austria le Switzerland ram ah Danglam zet in Vur tlak luar

Austria le Switzerland ram hmun ṭhenkhat ih tikculo vur tlaknak cun motor ziin pawl a ti pit ih khualtlawn sukso nakah harsatnak an tong.

Switzerland, Montana ah 10 inches (25 centimeter) Vur a sur ih tu kum sung Vur tlak tambik record thar a si tiah The Swiss meteorological agency in September 26 ah a phuang.

Hih hmun ah October thlacem hrawng lawng in vur a tlak luar thok ṭheu ih, tu ah, a tikcu lo ih Vur tlak mi hin, Thlatang do ding ih rak timlam man hrih lo, ramkulh cozah pawl harsatnak a pek.

“Austria ram hmun ṭhenkhat khal ah sea level 1805 feet (550 meters) cin tiang vur a tlak ih khua a sik zet. Grossglockner tlang kiangkap ih um khua mi pawl khal an mangbang zet. Tikculo ih vur tlak a si vekin Thlatang vur tlak luar do ding timlamnak nei hrih lo pawl in an tuar cuang” tiah Austria nikhuazohnak zung ih ṭuanvonei pakhat cun 18 news Channel hnen ah a sim.

Leave a Reply

Your email address will not be published. Required fields are marked *