Australia ram ah Danglam zet in Ngapi 380 lenglo Thi – Video

Australia, Tasmania tikulh tipikap ah September 21, tuzarh tlawngkai nikhat in WaylahNga (whale) 460 lenglo an phuanaw ih 380 hrawng an thi tiah Australia’s Department of Agriculture cun Official in a phuang.

Tipikap ih phuanaw mi Ngapi pawl cu rannung kilkhawi pawlkom ṭuanvonei pawl in tipi ah thiarsal in an run nan, Nga tum an si vekin an rit tuk ruangah duh vekin an run thei lo ih 380 hrawng cu an thi.

Tasmania’s Parks and Wildlife Service manager Nic Deka cun, “Ngapi thi mi cu kan siar ciang ih 380 an kim. Tuah nung dam run ṭul mi 30 lenglo an tang hrih. Lungawi ummi pakhat cu Ngapi 50 lenglo ka runsuak mi hi a si” tiah CBS hnen ah asim.

Tipikap ih Ngapi phuanaw hi 300 BC lai in an rak buaipi thok zo ih, ziang ruangah hivekin an um timi cu tuni tiang theih ciang a si lo. Roman san lai ahcun Tipi pathian “Neptune” lungtonglo ruangah hremnak pek in a that hai a si tiah zumnak an nei.

Tuṭum ih thilthleng hi Tasmania santhuanthu ah a rualrual ih Ngapi thi tambik ṭum a siih 1935 kum khal ah tuvekin Ngapi 294 an rak thi dah a si.

Leave a Reply

Your email address will not be published. Required fields are marked *