Australia cozah in Pu Trump bawm dingin ralkap zateel a kuat?

US rampi hruaituding President namhnget lai ih buainak thawn dengaw in June, 2020 ih ngan mi cahram pakhat cu online ah a lar sal ciamco. Tuṭum, US President namhngetnak an nei lai fang ih thuthang suak vek ih ngantu khal an um.

Cahram thulu cu “US ramsung thuneihnak cuh aw mi ah Australia in ralkap zateel thawn bom ve dingin a lungkim” ti a si ih kandung 2020 kumlai hrawng ih ngan mi cahram sawn a si.

Cuih cahram ahcun Australia Prime Minister Scott Morrison le US tolai President Donald Trump biakawnak pawl an tarlang.

Cumiah PM Scott Morrison cun “a ṭong ṭheh hlan ah ‘zo pawl zolam ah an ṭang tivek khal rel hran ṭul lo. Na hrang ah kan man ringring. Na ṭulmi in sim awla kan cangsuak ter hngalh si mei’ ka ti” tiah Journalists today hnen ah a sim ih “amah Donald Trump cun ral tho dingin kan tim kan tuah in ti” tiah a sim.

PM Scott Morrison cun “Liang ran aw in Bagdad ah kan ṭang tlang. Liang ran aw in Kabul ah kan ṭang tlang. Ṭangtlang timi cu hivek caan ih bomawton kha a si. Curuangah Washington DC khal ah na lam ṭang dingin kan ra ding” a ti.

PM Scott Morrison ih ṭongsuakmi thawn pehpar in a sawisel tu an tam zet ih “Australia ram in a neh theilo dingmi raldonak ih a hrolaw ṭheu mi cu tu ṭum khal ah cozahpi in a ti lang lala” ti`n an sawisel.

Cuih ṭum ah Australia cozah cun a ralkap mipum 500 pawl cu New Hampshire ih shopping mall pakhat ah Pu Trump ṭul caan ih bawm tu dingah um hmun khuar dingin a lungkim a si.

Leave a Reply

Your email address will not be published. Required fields are marked *