Arapthlak zetmi “George Floyd Challenge” Social Media ah a lar

Midum George Floyd, palik kut sung ih thihdan cawng lai video cu ‘George Floyd Challenge’ timi hmin in social media ah a lar ih mipi ih relsiah le palik tiang ih zingzoimi cangvaihnak ah a rung cang.

Hih cangvaihnak sung ahcun palik in George Floyd hngawng ah a khuk thawn a nen vekin mi pakhat in a rualpi lole mi pakhatkhat hngawng ah nen in video zukaw a siih cui video cu ‘George Floyd Challenge’ tin hmin pekin social media ah thlah a si.

Facebook le anau Instagram cun an theih veten kan community standards daan a pahbal a si tiin an hlon ṭheh ih zuk thar mi ret tum khalle ngahlo dingin an tuah.

Asinan acak zetmi internet san a si vekin social media ih thlah mi ‘George Floyd Challenge’ video hrekkhat cu miṭhenkhat in an rak hmu man thotho ih report nak an nei.

Tiktok social media app hmang pawl khal in rampi tiang buainak thlentu a si ruangah le larduhnak, hnihsuaksainak vek men ah hmangin, mi riahsianak cu hmuhsuamnak ah hmang ding a si lo tiin Tiktok ihsin hlon lohli dingin hmin sign nak an tuah ih Tiktok ihsin khal hlon hlo thluh a si.

Palik lam khalin ‘George Floyd Challenge’ thuhla thawn pehpar in thungaithlak takin zingzoinak an nei ih George Floyd thihnak cawng in video a thlahtu siding zumhmangmi mipa kum 19 le kum 18 mi pahnih cu an kai zo a si.

ref:OneMedia

Leave a Reply

Your email address will not be published. Required fields are marked *

error: hahahahahaha !!