Annabelle zuklem a tlansuak timi Thuthang in Mipi thinphangter

Ramhuai, khawsia in larawk nakah a hmang an ti mi Annabelle zuk lem cu an khumnak Museum ihsin a tlansuak timi thuthang in mipi a ti lungphang.

Mi huatsuak pawl in “August 14 ah an khum nak Museum ihsin Annabelle a tlansuak” ti`n Wikipedia ih an ngan ruangah mipi an thinphang zet.

Cuvek thuthang a um ruangah paranormal investigators Ed le Lorraine Warren tei` makpa Tony Spera in thuthang diklo a si ti`n a mai` Youtube channel ah simfiahnak a nei.

Amah cun “Annabelle a tlansuak tivek thuthang a um ih, tu ah thudik ka lo simfing ding. Annabelle cu khawi hman ah a tlan lo. A umnak kel Connecticut, Occult Museum kuang sungah a um ringring a si” ti`n thlalang kuang sungih an khum mi Annabelle langter phah in a sim.

Thlahrang thawn pehpar ih expert an timi Warrens te nupa sim vek a si le Annabelle zuklem cu 1970 ihsin a hrang thok.

An retnak hmun ihsin a mah ten a ṭhawtaw ringring ruangah Annabelle zuklem neitu nurse nu cun thlarau thawn pehpar ih mithiam an ti mi hnen ah bomnak a dil ih cuih mithiam cun zuklem sungah khawsia thlahrang a um tin a sim.

Nurse nu cu a rualpi pahnih thawn umtlang mi an siih zuklem an kolmi Annabelle cun a tibuai ringring hai. An hmulo sungah a um nak a ṭhawnaw ringring. Hnawmpung sungah an hlon khalle a mah ten innsung ah a thlengsaal ringring.

Cuvekin a ti buai hai ringring ruangah paranormal expert hminthang Warrens te nupa hnen ah bomnak an dil hnu ah cuih zuklem cu Connecticut, Monroe, The Warrens’ Occult Museum sungah an ret lan ta.

The Warrens’ Occult Museum cu thlahrang, khawsia thawn pehpar awmi thilri tamzet retnak hmun a siih, ṭih a nungtuk ruangah cuih hmun cu zarh tinten thlacamnak thawn thluasuak pek a ṭul ringring tin an sim.

Annabelle thuanthu cu zuknung (The Conjuring) khal in an cang ih leitlun thlahrang zuknung ṭihnungbik record neitu khal a si.

Leave a Reply

Your email address will not be published. Required fields are marked *

error: hahahahahaha !!