An khuapawh deuh thawn in Covid 19 nat an nei, Mipakhat lawng a him

India : Himachal Pradesh state, Lahaul And Spiti District, Thorang village khuapawh deuh thaw in Covid 19 nat an nei ih mipakhat lawng a him.

Thorang khua ih um mitamzet cu Thlatang khuasik hrial in khuadang ah an vaai. Tudinhmun ah Thorang khua ah mipum 42 an um ih kan dung baite ah an khuapawh in Covid 19 test nak an nei ih mipum 42 test mi ah kum 52 mi Bhushan Thakur lawng a him. Culodang hmuahhmuah cun Covid 19 nat an nei thluh.

Bhushan Thakur tei` innsang ah miparuk an um ih mipanga in Covid 19 nat an nei ruangah mi him dam Bhushan Thakur sawn cu hmun him ah a hran ten an um ter.

Bhushan Thakur in “a hran ten ka um ih kei mah ten rawl ka suan nak ni 4 a rei thlang. Natnak hmuhsuah a si hlan ah ka sung le pawl thawn naivai zetin kan um tlang ko. Asinan Covid 19 boruak a suak thok ihsin fimkhurten ka um ih khua leng kasuakvak khal le Cozah thusuah ka thlun. Hih natnak hi ṭihnung zetmi a siih kan ralring cio a ṭul” tiah a sim.

Himachal Pradesh ramkulh sung ah Lahaul And Spiti District ah Covid 19 mina an tam bik ih tudinhmun ah mina 856 an um a si. (TOI)

Leave a Reply

Your email address will not be published. Required fields are marked *