Amazon ih Caw-ek zuarmi cu Eiṭhat ah ruatin a rak order tawp

Mitamsawn cu Covid 19 boruak ah nitin eibarnak hrang sumsaw kan tlasam cuahco. Sumsaw laklut nakding hnaṭuannak ding khal a harsa tikah oloksong in eibarnakding hrang thil phunphun kan tawlrel.

Cuvek ṭhiamṭhiam in India ram ih harsatnak phunphun tuartu pawl khalin mahte boruak hai in sumsaw laklut danding an tawlrel ih Caw ek hlawm tiang, online ah an zuar.

Caw-ek kan ti tikah a mah caw-ek lawng si lo in hramro thawn cawkpolh in ni ih pho ro mi caw-ek a si.

Cuih caw-ek (Dung cake) cu Amazon ah an zuar ih mipakhat in ei ṭhat ah ruat in a rak lei. A ei lawng hman silo customer review khal a rak ngan hrih lai.

“A thawt lo zia cu a mak in a mak. Hrampi tla a tel ih ciarbek ei vek a si. Ka ei thluh veten ka sungdok hngalh. Thil nan tuah tikah a eitu hriselnak thawn milaw dingin tuah uh. Cun a thaw maw? a chut maw chutlo ti khal zoh ciang uh” ti`n review a ngan ih ratting ah star 1 lawng a pek.

Hramro thawn cokpolhmi Caw-ek ro cu India ram ah hmuhding a tam. Khuate ih caw zuat mitamsawn cun an caw-ek pawl cu hlawn men loin hramro thawn an rawi ih nisa ah an phoro ṭheu.

A ro hnu ah rawlsuan nakah an hmang tlangpi. Cun biaknak thawn pehparmi cangvaihnak an nei tikah an hmang tam ih bokruak thiangternak le ceepte thosi dawinak khalah an hmang a si.

Leave a Reply

Your email address will not be published. Required fields are marked *