Alien ah an ruat ih India mipi thlaphang mangbang in an um

Uttar Pradesh, Greater Noida vanpar ih zuang mi thil danglam zet cun mipi a ti thinphang ih Alien kan hmu ti`n online ah an post celcel.

Local TV thuthang khal ah an phuang ih palik in ngaihvennak an nei phah thluh. October 17, zinglamri in hmu thok a siih Vanpar ah caan tawkmawi a zuang hnu ah vaukua sungah a tlak.

Palik le mibur ṭhenkhat in an va zoh cu Iron man thuamhnaw bang ding ih tuahcawp mi balloon a rak si ziar.

“Gas thun mi balloon a siih Iron-man thuamhnaw bang ding in tuah cawp mi a si. Gas tha cem hnu ah a mah ten vaukua sung ah a tlak.”

“Adanglam tuk ruangah Alien ih ruattu khal an um. A tlak nak tikua kiang hrambur le tidai sungah a taksa hrek hrek in a um ruangah ti tha cak thawn amah ten a thir durdo. A taksa hrek le hrambur ah a um ih a hnin aw ciamco ruangah a hmutu pawl in Alien ah an ruat ih an pan lohli ngam lo.” ti`n Noida palik in thuthannak an nei.

Leave a Reply

Your email address will not be published. Required fields are marked *