A danglam zetmi Hmin lang duhlo mi bawmtu

Hmin phuang duhlo Mizo mipakhat cun tulai lockdown ruangih hnaṭuan theilo harsa talbuai mi 4 pawl ih loan laknak leiba cu a rul sak thluh tiah The New Indian Express cun a tar lang.

Mibawmtu hi State Bank of India’s (SBI) Aizawl branch ih hnaṭuan hotu mi malte lawng in an thei ih zo a si timi phuang lo dingin a dil hai ruangah a hmin an ti lang duhlo. A bawm mi cu nunau 3 le pa 1 an si ih an leiba Rs 9,96,365 a kuan sak thluh.

SBI branch Assistant General Manager Sheryl Vanchhong cun “Mi bawmtu hi kan branch ih hnaṭuan mi 3 cun zo a si ti kan thei ciang. Loan lak ih pek theilo bawm ka tum ih hih bank ih leiba nei sung ihsin nan mah in nan duhduh hril uh la ka kuan sak ding. Asinan Rs 10 lakh (ting 10) luan cu si hlah seh a tiih mi 4 kan hrilmi pawl ih leiba Rs 9,96,365 cu a kuan sak ṭheh.

Mi 4 pawl cu an leiba mi pakhat in a rul sak ṭheh thu kan sim tikah lungawi in an mitthli a tla. Amah hnen rori ah lungawithu kan sim duh an ti nan a bawmtu in hmin langter a duhlo thu kan sim ih midang va sim sawng lo ding khal in a bawmtu’h duhdan vekin kan sim thei sal” tiah a sim.

Bomnak dong 4 pawl lak ih telve Muana L Fanai cun “Ka leiba rul salding harsa vansang in ka um lai ah Coronavirus boruak in harsatnak i run belh ih tingaihnak ka theilo laiah hivek bawmnak ka dong cu Pathian thluasuah rori a si. Rs 2,46,631 leiba ka nei mi cu miṭhep karah in kuan sak ṭheh kalungawi tuk” ti`n online ah ca a thlah.

Mi bawmtu hi a hlan khal ah mi harsa pawl a bawm ṭheu. Asinan tuṭum cu a hmin langter a duh lo tiin SBI zung ih hnaṭuan pakhat cun a sim.

ref : The New Indian Express

Leave a Reply

Your email address will not be published. Required fields are marked *