63,000 Kyats luan man Halloween costume Lei Duh Tu An Tam – Reddit
US vice presidential debate lai ih minute pahnih sung Vice President Mike Pence Lu par ih fu mi thothe vek cu 3wishes online bazaar in Halloween costume ah a tuah ih a lei tum tu an tam zet.
7 October, tlawngkai nithum, Vice President Mike Pence le Democratic challenger Senator Kamala Harris debate nei lai ih Mike Pence Lu par thothe fu mi cun mipi mit a laak zet ih tuzarh sung online ih titi lar bik pakhat ah a hung cang.
Thothe rori hman Pu Trump lam ah a ṭang titu an um vekin thothe cun bawrhhlawh lam a khih hmuh ih Mike Pence in an party thuthup bawrhhlawh pawl a rel duh lo ruangah a par ah thothe a fu titu khal an um.
Tufang ih mipi titi peih zet mi thuhla cu 3wishes in remcang ah lak in Halloween costume ah a tuah ih an zuar hlan ihsin a lei duhtu/pre-order tu an tam zet tiah million 13 members umnak memes subreddit ah an ngan.
A rang rong sam lem par ih thothe fu mi Halloween costume cu Debate Fly Wig tiah hmin an bun ih a man $49.95 ngen in pre order a theih.
ref:reddit
