6.7 magnitude thacak Linghnin in Greece le Turkey ram ah siatralnak a thleng ter

Greece, Samos tikulh kiang in 7.0 magnitude thacak Ling a hnin tiah US Geological Survey (USGC) zung in a phuang.

European Mediterranean Seismological Centre lam cun 6.7 magnitude thacak sawn a siih 11:50 GMT hrawng ah Samos tikulh nisuahnak lam in a hnin mi a si ti`n an tarlang.

Tubaite rori ih linghnin mi a si ruangah mithi, khawngaw le thilri siatsuah mi ziangzet a um tvk cu theihcian a si hrih lo ih Social media ih an post mi ahcun Turkey, Izmir khua ih Inn tamzet a siat in a lang.

Video an thlah mi ṭhenkhat khal ah feet 5 hrawng sang mi tisuar cu khuasung ziinpi ah a lik ciamco in a lang.

Turkey cozah lam cun Izmir provine ih innpi paruk a ciim ti`n thuthang an suah ih Linghninnak hmun lai bik cu Aegean tipithuanthum in a si. A thuk lam peng 10 luan hrawng in a hnin ti`n twitter ah an ngan.

Greek media ṭhenkhat khal in Samos tikulh ih um Inn ṭhenkhat cu Lungto in a rilh siat ti`n an tarlang ih mi tamzet cun Inn le Lo tlansan in hmunhim an hawl ti`n an ngan.

Samos tikulh cu mipum 45,000 hrawng umnak hmun a siih Cozah lam in tipi neih lam ih um lo dingin thuthannak a nei ih tisuar ralrinnakding Darkhing khal an tum tiah Independent media in a ngan.

Leave a Reply

Your email address will not be published. Required fields are marked *