5 star Hotel ah Russia TV sexologist Ruang an sar

Moscow : Russia TV sexologist Anna Ambartsumyan (kum 26) cu a thlennak khualbuuk 5 star hotel ah a thi cia in an sar.

Elite Peter 1 hotel hnaṭuan pawl in a umnak room ihkhun ah thi cia in an hmu mi a siih a hruktummi siding zumum hnipuan le bag kiangah taklawng ih um, a ruak an hmu a si.

Amah tawktei` hminthang a siih fan khal a nei tam zet. Milian rualpi khal a nei ruri ih motor le thilmankhung khal an ṭhen ṭheu tiin an sim.

Hotel ih hnaṭuan pawl in a thih hnu nazi 8 luan hrawng ah a ruak an hmu ih palik hnen ah an report. Palik pawl cun zingzoinak an nei ih a umnak room ih lutnetabiktu an hawl rero lai. A room sungih an hmu mi sii pawl khal zoh ciang dingin labs lam ah an kuat ṭheh zo.

Anna Ambartsumyan le a pasal Ruslan

Hih thuhla thawn pehpar in Russia entertainment khawvel ih an hmang zetmi lawyer Sergey Zhorin cun “Milian pasal a nei. Tulai hrawng cu leiba khawnṭheu pawl in nikhat ah voi 20 lai an phone ṭheu an ti. Leiba cawhtu pawl cun ‘in hro ṭheu ih, ka ṭih tuk’ tiin in sim ih, palik hnen ih report dingin ka fial nan, tu ah, hivek dinhmun kan thleng” tiin a sim.

Anna Ambartsumyan cu Russia TV psychologist a siih social media platform ah follower 370,000 hrawng a nei a si.

ref:Dailymail

Leave a Reply

Your email address will not be published. Required fields are marked *