2021 kumthar ni ah Leitlun huap naute suak thar Ting 4 kim zik an um

UNICEF (United Nations International Children’s Emergency Fund) in kum 2021, January 1 ih Leitlun huap naute suak thar cazin a tarlang ih India ram in hmai a hruai.

2021 kumthar nikhatnak ah India ram ah naute suak thar mipum 59,995 an um. Leitlun huap naute suak thar tambik ram cazin ah pakhatnak dinhmun ah a ding nan kum 2020 January ih naute suak thar hnakin mipum 7,390 in an mal.

Asangtu ah China (35,615) ram a si ih pathum, pali le panganak cu Nigeria (21,439), Pakistan (14,161) le Indonesia (12,336) ram pawl an si.

2021 kumthar ni ah Leitlun huap naute suak thar mipum 3,71,504 an um ih zaṭek 52 cu India (59,995), China (35,615), Nigeria (21,439), Pakistan (14,161), Indonesia (12,336), Ethiopia (12,006), the US (10,312), Egypt (9,455), Bangladesh (9,236) and the Democratic Republic of the Congo (8,640) ram 10 pawl ah an si.

“Leitlun huap in 2021 kumthar January nikhat ih naute suak thar cu mipum 3,71,504 hrawng an um tiah ruah a si. Cumi ih zaṭek 52 cu India (59,995), China (35,615), Nigeria (21,439), Pakistan (14,161), Indonesia (12,336), Ethiopia (12,006), the US (10,312), Egypt (9,455), Bangladesh (9,236) and the Democratic Republic of the Congo (8,640) ram 10 pawl ah an si” tiah UNICEF in a tarlang.

2021 kum pumpihlum ah Leitlun huap in 140 million naute suak thar an um ding beisei a si thu khal an tarlang ih sansau lam buaktlaak (average) cu kum 84 a si tiah UNICEF in an tarlang a si.

Leave a Reply

Your email address will not be published. Required fields are marked *