2020 US rampi Hrilawnak ah Democrat Joe Biden in Neh Nak A Co

Leitlun ram tinkim ih thlir mi 2020 US rampi hrilawnak ah Democrat Joe Biden in President Donald Trump luan in nehnak a co tiah US ramsung thuthang ah an tarlang.

US rampi hruaitu ding voi 46th nak President a si ti`n official ih phuang cu a si lo nan President sithei dingih ngah ṭul mi 270 electoral vote a ngah kim zo ruangah mipi thlan mi US President dinhmun in an phuang mi a si.

Mipi hril tlin mi tiih tarlang mi Joe Biden cun “US rampi hruitu dingih in hril tu America hnen ah ka lung awi ih sunglawi ka ti zet. Hmailam ih kan ṭuan hmuhton ding hi thil olai cu a si lo. Nan, hitin thu ka lo kam. In vote tu le tulo tiloin American mipi hrang ih President ṭha si ka zuam ding. Ka sung ih nan tuh mi zumnak thlacii ka hum ding” tiah Twitter hmang in mipi hnen ah thukamnak a nei.

US presidential election santhuanthu ih vote tambik ngahtu Joe Biden cun tuizaan US nazi 8 ah mipi hmai ah lang in thusimnak a nei ding tiah US ramsung thuthang ah an ngan a si.

Leave a Reply

Your email address will not be published. Required fields are marked *