Ṭap phah in : Kan neihsun Paisa thawn Dinsuahmi Dawr in siatsak

Midum George Floyd thihnak in a puakkuai termi US ram Justice system remduhnak mipi duhphorhnak auaw cun leilungpi a hninter ih tulai thuthang larbik khal a si.

Media pawl ih ngaihven zetmi khal a siih leitlun mipi hmuahhmuah ih theih dingin website le social media ah khal tulaifang ih thlah tambik thuthang a si.

Asinan US ramsung ih a hraang mi duhphorhnak ih keneh pawl cu tarlang a si tuk lemlo. Abikin vun rong thleidannak hmin thawn thahrum hmangih an siatsuahmi dawr le thilfirtuar dawr neitu pawlih harsatnak an tawng mi pawl hi langter a si tuk lemlo.

Brand hminthang dawr siatsuah in a sung ih thilri mankhung fir an tam zet. Thlanhri canghnap suak ih paisa hawl/khawl mi te thawn dinsuahmi lamziin siir dawr khal an siatsuah nasa ih sunralnak ruangih mah le mah thatawduh dawr neitu khal an um.

A neihsun hmuahhmuah siatsuahtuar dawr neitu Balla cun, “Meisa thattu hnaṭuan ihsin cawl zo mi ka si. Life saving thawn Bar dawr ka ong mi cu mitṭhep kar ah in siatsak thluh. Ka dawr cu ong dingin kan man ṭhepṭhep zo. Nan, Caronavirus in, in man ih ong theilo in June 1 ih ong kan tum.

“Asinan thlanhriput phah cingih hnaṭuan in ka khawl mi kan neihsun paisa thawn din suahmi Bar cu a ong hman kan ong man hlan ah in siatsuah sak. Asung ih thil mankhung kan ret mi khal an thiar hlo thluh. Tu ahcun neihmi khal kan nei nawn lo. Kan hmakhua cu a pit bepbep thluh” tiin a sim.

Balla nupi khalin “hih thil cu a diklo hrimhrim. tuar a na, a fair lo lawlaw. Hih dawr din thei dingin kan ṭuan nasa tuk. Ka hrang lawng ah silo. Kan inn sungsang hrang ah a si”.

“Duhphornak an nei mi hi ka theithiam ko. Ka sawisel lo lawlaw. Mi ṭhen cun insurance an nei si company pawl in an rul leh ding an ti. Nan, ruat hnik aw, na inn sung ah lut in na thil lo laksak seh la “um pawilo ee” na ti men thei ding maw?” tiin Facebook ca hmai ah a tar lang.

Hivek ih neihsun hmuahhmuah thawn dinsuahmi dawr siattuar an tamzet ih mi tamzet cun US ramsung mipi hmailam hrang ih lamziin sialnak a si. A tuartu khal an um ve a ṭul an ti nan, Atuartu phanat ah vun ding tum ve hman……..????

Leave a Reply

Your email address will not be published. Required fields are marked *