Ralhraang pawl in Falam ti hmin sia tum

Shan ramkulh, Yatsauk peng, SinThay khua ah Falam khuahmin catar kengin, mipi phurtu Ralhraang mawṭaw 30 hrawng thawn lamzawh lai video zuknak an nei tiah theih a si.

Tualsungum khuami hnen ihsin thuthang dongtu Mekong thuthang cun December 14 ih zuk mi a si tiah a tarlang ih “khuami pawl cu Chinmi bangin lam an zawh ter ih ralhraang thawn rualremnak neizo vekin ‘Lem’ an cangter” tiah an ngan.

Khuami pakhat cun “SinThay khua cu Tlangpuk sukso a um thawn Tlangram bang dingin phuah a olsam. Mizaan ah mawṭaw 30 hrawng thawn an ra ih catarLem khal an keng. Cumi catar pawl cu khuami pawl an hmu ter lo. Khua kiang hmun pakhat ah a hranten an zuk.”

“Palaung mipi pawl kha Chinmi ah an can ih rualremnak kan ngah zo ti`n video an zuk. Thil hlu lai tivek khal an zuk ih Lem phunphun an cang. MRTV lole MWD ah an thlah leh din ka zum” a ti.

SinThay khua cu Palaung phunhnam khuasat tamnak hmunram a si ih, an pumcawmnakbik cu Loram tuah a si hlei ah Ṭhangsonak a cak tuk lomi hmunram a si.

***Zalen in a ngan hmasa***

Leave a Reply

Your email address will not be published. Required fields are marked *