Covid 19 cu kan ruat vek a rak si lo – Mithiam pawl in hmuhsuahnak thar an nei

Covid – 19 natnak ihsin damzotu ṭhenkhat cu coronavirus an kaai thei nawnlo, an taksa in nathrik a do thei tiih zumnak arak um dahmi cu a diklozia, mithiam pawl in an hmusuak.

Coronavirus cu kawngsang keunak ihsin suak ṭheu mi nat ṭhenkhat vekin an damsuah hnu ah cuih natnak an taksa in a do thei (olsamten nahrik an kaai thei nawnlo) tiih zummi a rak si nan, tu ah, UK mithiam pawl in a diklo zia an hmusuak a si.

Mithiam pawl in London, King College ah Covid – 19 natnak ihsin damzotu taksa hmang in zir nak an nei ih, cuih damzomi cu olsamten Coronavirus a kaai theisal mi an hmusuak.

Covid – 19 nat nei mipum 96 hmang in thla 3 sung zirnak an nei ih, mina an dam hnu zarh 3 luan hrawng ah coronavirus an kaai lohli theisaal a si. Cuhleiah nathrik tu le tu kaaisaal leuhleuh pawl hrang ah ṭih a nung cuang ih nathrih voikhatnak kaaitu pawl ai in an tuar na cuang thei timi khal an hmusuak a si.

ref:ScienceFocus

Leave a Reply

Your email address will not be published. Required fields are marked *