Coronavirus nei ka duh ti`n rak Au Ṭheutu Doja Cat in nathrik a kaai

Coronavirus le nat ṭih ruangih fimkhur pawl, hmuhsuam le hnihsuah sainak ih rak hmang rerotu hlasak thiam Doja Cat in Covid 19 nat a kaai thu, tlawngkai ninga zing ah a phuang.

March thla hrawngah “Corona beer version a si mi Coronavirus men cu ṭih ding a um lo tlangrai men a si’, miṭih hrut pawl in midang khalin ṭih ve dingin mi an ṭhih nak men a si. ‘Ziang khalah ka siar lo, a ṭihtu pawl cu ##%# nan si” ti`n Instagram ah Live in a fan hmai ah a rak au-kio dah ih tu ah cu a mah rori in natnak a kaai.

View this post on Instagram

#dojacat ain’t scared of no damn corona virus .

A post shared by DJ Akademiks (@akademiks) on

Covid 19 nat a kaai nak cu a rei thlang hmang nan, tlawngkai ninga interview an nei nak lawng ah a sim lai.

Interview ahcun, “Covd 19 nat ka kaai. Ziangtin ka kaai ti cu ka thei lo. Ni 4 sung besia in ka um ih tu ah cu ka ṭha thlang” a tiih “ka fimkhur thlang. Inn ah ka um ringring” a ti.

Doja Cat hmin ngai cu Amala Ratna Zandile Dlamini a siih, October 21, 1995 kum, Los Angeles ah a piang. Amah tawk in a hmin thang ve zet ih a mai` sak mi “Say So” le “Boss Bitch” timi hla cu tulai TikTok ah a lar zet.

ref:spotify

Leave a Reply

Your email address will not be published. Required fields are marked *