CNLD Party ihsin Pu No Than Kap A Cawl Zo

Tulaifang, Chin online khawvel ih relhlawhzet CNLD thuron Pu No Than Kap cu Chin National League for Democracy party ihsin a cawl zo tiah Chinland Herald Daily News in a ngan.

Pu No Than Kap cu SAC ralhraang ukhruainak hnuai ih tuahmi UEC le ramkhel party meeting a kai hnu, CNLD hmin a langsuak hnu ah party aiawh in meeting a kai lo thu le Naypyidaw thlen laifang a si ruangah Rakhine le Shan party hotu pawl cibai buuk phah in a va feh menmi a si thu a tarlang ih March 31 lam ah CNLD party ihsin cawlh nak ca ka theh lut zo a ti.

Asinan, CNLD cun March 31 nikhenmi party bannak ca cu May 21 zaan nazi 9 hrawngah Messenger in an dongmi a si sawn thu le bannak ca thehlutmi thawn pehparin hmalakdanding emergency meeting kan to ta ding tiah theihternak ca an suah.

May 22 nikhenmi CNLD thusuah cu Pu No Than Kap thawn pehparmi thuthang an suah netabik a si ih an mah lam cun party ihsin Pu No Than Kap a suak le suaklo an tarlang nawn lo.

CNLD Party ihsin Pu No Than Kap A Cawl Zo timi thu cu May 25 ah CH daily news in a tarlang ih Official in a bang maw banglo ti cu kan mah lam in kan nemhnget theilo.

Leave a Reply

Your email address will not be published. Required fields are marked *