Chinram Thlithiang tepman loin Ni 6 mi Mindat raltlan naute mual liam

Tuini, May 22 zaanlam nazi 1 hrawngah Mindat raltlan lakih telve ni 6 mi naute cu hramlak ah a nunnak a cem tiah theih a si.

May 21, Pukon khuate ah SAC ralhraang le CDF Mindat doawknak a suak ih beunak hawlin hramlak ih tlan U Naing Thang le Daw Naing Li cun ni 6 lawng a si lai mi an fate cu an tlanpi ve.

India ram ih thlisia huukmi cyclone tauktae hmual cun Mindat lamtiang a khawngban ih raltlan pawl beunak hmun khal thilpi le ruahpi in a nuai ve.

Cumi nikhuasia tuar loin Mindat raltlan, ni 6 mi naute cu cuap na in May 22 ah a nunnak a cem tiah theih a si.

Mindat khuapi cu May thlalai in SAC ralhraang in a la nan CDF Mindat cun penghuap hmun hranhran ah theitawk suahin a do rero tiah ramsung media ṭhenkhat in an taar.

Leave a Reply

Your email address will not be published. Required fields are marked *