Ralkap kharhkhummi Chinram Minister innsang ṭhenkhat Ei-bar ding tlasam

Hakha : Myanmar ralkap i kharhkhum tuar hrih, Chinram Minister ṭhenkhat (amalbik innsungsang pakhat) cu ei-in tlasam in harsatnak an tong tiah theih a si.

Myanmar ralkap in February 1 zing ih thuneihnak a lak hnu, Chinram cozah hruaitu ṭhenkhat cu hmunkhat ah a kharhkhum ih CM Pu Salai Lian Luai telin Minister ṭhenkhat cu mah le inn cio ah a tlunter hai zo.

Atu hrih tiang kharhkhum tuar lai hrih Minister innsungsang pakhat cu eibarding an tlasam thlang tiah theih a siih tirawl lei dingin lengsuah siannak cu luhmuhzi vuanci in a tawlrel sak tiah theih a si.

Hih thuthawn pehpar in “Vuanci umnak inn ih um Vuanci ṭhenkhat cu ei-in ding an tlasam thlang ruangah luhmuhzi vuanci in lengsuak theihnakding siannak cu ralkap hnen ah a dil sak hai” tiah ramsung media ṭhenkhat in an tarlang a si.

Cozah thar Ralkap cun Chinramhuap Minister zate`n an umnak cozah inn suahsan dingin thupeknak a nei zo ih atufang ah Minister tamsawn cun an umnak inn suahsan dingin timlamnak an nei rero tiah theih a si. (ChinWorld)

Leave a Reply

Your email address will not be published. Required fields are marked *

error: hahahahahaha !!